رحلة الساعتين حصري لموقع أيام

تروح، لقيت الست وبنتها واقفين قدامي بتلاتة أربعة أشخاص
البنت كانت هادية خالص وماسكة ايد أمها
فجأة البنت لفت وشافت واحد قاعد على كرسي متحرك قدامه شنطة كبيرة، راحت بمنتهى البراءة وشاطت الشنطة برجلها
الشنطة اتزحلقت ووقعت على رجل الراجل اللي على الكرسي
الراجل صړخ من الۏجع
أمها بصت وقالت معلش يا حبيبتي مخدتش بالها، دي طفلة
نفس الجملة، نفس النغمة، نفس البرود
ساعتها فهمت، الموضوع مش معايا أنا بس، دي طريقتها في الحياة، أي مصېبة بنتها تعملها ترد بكلمة دي طفلة، استحملوا
الراجل اللي على الكرسي قال طفلة ايه، الشنطة كانت بعيد عنها هي راحت مخصوص شاطتها
الست خدت بنتها ومشيت بسرعة من الطابور ولا كأن حاجة حصلت
أنا قربت من الراجل وساعدته يرفع الشنطة وقلت له معلش
قال هو انت تعرفها
قلت آه، قعدت ورايا 12 ساعة بترزع في الكرسي بتاعي وأمها تقول لي استحمل
ضحك وقال يبقى احنا الاتنين استحملنا
وقفنا نهزر شوية لحد ما الجوازات مشيت
وأنا واقف افتكرت ولادي الاتنين، لما كنت بسافر بيهم وهما صغيرين كنت باخد معايا كتب تلوين وقصص وألعاب صغيرة ولب وسناكس عشان لو زنوا أشغلهم، ولو واحد فيهم خبط في اللي قدامه كنت أقول له قوم اعتذر
مرة ابني الصغير كان عنده 4 سنين وخبط في واحدة ست في الطيارة، قمت وقفته وقلت له روح قول لها أنا آسف، الولد راح وقال لها أنا آسف يا طنط، الست ضحكت وقالت له ولا يهمك يا حبيبي وقامت جابت له شيكولاتة
هي دي التربية
مش تسيب العيل يرزع ساعتين وتقول استحمل
المهم خلصت جوازات وخدت شنطي وطالع أدور على مراتي
لقيت مراتي واقفة مستنياني بره ومعاها ولادي الاتنين
أول ما شافوني جريوا عليا وحضنوني
مراتي قالت حمد الله على السلامة، نمت في الطيارة
قلت حكاية طويلة هحكيهالك في العربية
ركبنا العربية وبدأت أحكي
مراتي سمعت القصة كلها وقالت يا ساتر، يعني انت رجعت الكرسي لورا عليها
قلت أيوه
قالت برافو عليك، أنا لو مكانك كنت عملت أكتر من كده
ابني الكبير اللي عنده 11 سنة قال يا بابا يعني انت عملت فيها زي ما هي عملت فيك
قلت لا يا حبيبي، أنا معملتش زيها، هي كانت بټأذي حد من غير ما يكون من حقها، أنا استخدمت حقي، فرق كبير بين انك تاخد حقك وبين انك تعتدي على حق غيرك
ابني الصغير قال طب هي اتعلمت الدرس
قلت مش عارف، بس أتمنى
مراتي قالت أكيد اتعلمت، لما لقت الطيارة كلها بتبص عليها أكيد اتكسفت
قلت اللي زي دي مش بتتكسف، اللي زي دي فاكرة ان الكون كله لازم يستحمل بنتها
وصلنا البيت ونسيت الموضوع كام يوم
لحد ما جالي ايميل من شركة الطيران
فتحت الايميل لقيته استبيان عن الرحلة قول لنا رأيك في الخدمة
كنت هطنش كالعادة بس المرة دي قررت أكتب
كتبت كل اللي حصل بالتفصيل، كتبت ان بنت فضلت ساعتين ترزع في الكرسي بتاعي وان الأم قالت استحمل وان طاقم الضيافة اتصرف باحترام لما اشتكيت وان المشرف حل الموضوع بهدوء
وبعت الايميل ونسيت
بعدها بأسبوع لقيت رد من شركة الطيران
بيقولوا شكرا لتوضيحك، تم تسجيل الواقعة، وتم التواصل مع الراكبة بخصوص سلوك الطفلة، ونأسف لتجربتك ونتمنى نشوفك تاني
يعني طلعوا كلموها فعلا
ممكن تكون اتحرجت، ممكن تكون قالت برضه دي طفلة استحملوا، الله أعلم
بس اللي أنا متأكد منه اني بعد كده بقيت لما أشوف طفل بيزن في طيارة مبقتش أتضايق بسرعة، بقيت أبص على أهله، لو أهله بيحاولوا يسكتوه ويشغلوه ببقى مقدر جدا وبساعدهم، مرة كنت قاعد جنب أب معاه بيبي صغير بيعيط، قمت
قلت له تحب أمسك الشنطة عنك، الراجل فرح جدا
ولو لقيت الأهل سايبين العيل يخبط ويرزع ويقولوا استحمل، ساعتها ببقى عارف ان المشكلة مش في الطفل، المشكلة في اللي مرباش
ومن يومها بقيت أقول لأي حد مسافر مع أطفال، خد معاك حاجة تشغلهم، خد لعبة، خد كتاب، خد ألوان، اعتبر انك داخل عملية 12 ساعة ولازم تجهز لها
ومتقولش لحد استحمل عشان محدش مضطر يستحمل قلة ذوقك
ولو حد قالك استحمل، ابقى رجع الكرسي لورا